Je, Ni Lazima Kuwa na Ngono ili Kuwa na Mahusiano ya Karibu? 🤔

Karibu vijana! Leo tutazungumza kuhusu swali muhimu sana – je, ni lazima kuwa na ngono ili kuwa na mahusiano ya karibu? 😊 Ni muhimu sana kuzungumzia suala hili kwa sababu uamuzi wowote wa kufanya ngono una matokeo ya kudumu katika maisha yetu. Kama mtu mzima wa Kiafrika na thamani njema za Kiafrika, ningependa kutoa ushauri wangu kwa vijana wetu wapendwa. Hivyo, naomba ujisikie huru kushiriki maoni yako na maswali yako yoyote.

1️⃣ Kuwa na mahusiano ya karibu sio tu kuhusu ngono. Mahusiano ya karibu yanahusu uaminifu, kuheshimiana, kusaidiana, na kujali mwenza wako. Ni juu ya kuunda uhusiano wa kihemko, kiroho, na kijamii.

2️⃣ Mahusiano ya karibu yanaweza kuwa na nguvu na yenye furaha bila ya kujihusisha na ngono. Kuna njia nyingi za kufurahia uhusiano wako na mpenzi wako bila kuhusisha ngono. Kupika pamoja, kutazama filamu, kusafiri pamoja, na kushiriki maslahi ya pamoja ni mifano tu ya njia mbadala za kujenga uhusiano wa karibu.

3️⃣ Kujihusisha na ngono kabla ya wakati unaofaa kunaweza kusababisha majuto na hata madhara ya kiafya. Kwa mfano, hatari ya kupata magonjwa ya zinaa huongezeka na kusababisha matatizo ya uzazi hapo baadaye. Ni muhimu kuhakikisha unalinda afya yako na ya mwenza wako.

4️⃣ Kungojea hadi ndoa kabla ya kujihusisha na ngono kunaweza kuimarisha uhusiano wako. Kusubiri kunajenga msingi imara wa uaminifu na kujali mwenza wako. Inawafanya kuwa na uhakika kuwa mnaelekea kwenye uhusiano wa kudumu na wa thamani.

5️⃣ Kujifunza kuhusu mwenza wako bila ya kujihusisha na ngono kunaweza kuwa safari ya kuvutia na yenye furaha. Unaweza kugundua mambo mapya kuhusu mwenza wako, kupitia mazungumzo, kushirikishana ndoto, na kuwa wazi kuhusu matarajio yenu ya baadaye.

6️⃣ Kujihusisha na ngono kunaweza kuharibu uhusiano wako ikiwa hamko tayari kwa majukumu ya kiroho na kiuchumi ambayo yanakuja na ngono. Kwa hiyo, ni muhimu kujiuliza maswali kama vile, je, ninafanya hivyo kwa sababu napenda mwenza wangu au kwa sababu ya shinikizo la kijamii?

7️⃣ Kusubiri hadi ndoa ni uamuzi mzito, lakini wenye tija sana. Kuamua kusubiri kunamaanisha kuwa tayari kuweka thamani yako mwenyewe na ya mwenza wako mbele ya tamaa za mwili. Ni uamuzi unaoonyesha kujitambua na kujiamini.

8️⃣ Kwa kujiweka safi hadi ndoa, unaweza kujenga uhusiano wa karibu bila mawazo ya kuhukumu au kujuta. Utakuwa na amani ya akili, furaha, na hakika ya kuwa wewe na mwenza wako mnaelekea kwenye hatua inayofuata ya maisha yenu.

9️⃣ Ni muhimu pia kusikiliza sauti ya moyo wako na kufanya uamuzi unaofaa kwako. Hakuna mtu mwingine anayeweza kuchukua uamuzi huu kwa niaba yako. Jifunze kujisikiliza na kuamua kwa busara.

🔟 Tunaelewa kwamba vijana wengi wana shinikizo la kijamii na utamaduni unaochochea ngono kabla ya wakati unaofaa, lakini ni muhimu kuamini katika thamani yako na kuwa mwaminifu kwa mwenza wako. Kumbuka, wewe ni zaidi ya tamaa za mwili.

Wewe unafikiriaje? Je, unaamini kwamba ni lazima kuwa na ngono ili kuwa na mahusiano ya karibu? Je, una mifano mingine ya jinsi ya kuwa na mahusiano ya karibu bila ya kujihusisha na ngono?

Nawatakia vijana wote furaha, upendo, na ujasiri katika kufuata njia sahihi kuelekea uhusiano wa karibu. Kumbuka, uamuzi wako wa kusubiri ni baraka na ni uwekezaji katika uhusiano wako wa siku zijazo. Tuvumiliane, tuheshimiane, na tujitunze wenyewe na wapendwa wetu. ❤️

Kifungu cha 14 cha Katiba ya Tanzania kinaeleza kwa ufasaha
kuwa: “Kila mtu ana haki ya kuishi na kulindwa utu wake katika
jamii kwa misingi ya sheria.” Hata Rais Kikwete katika hotuba
zake kwa Taifa za kila mwezi amewahi kukemea mauaji haya
mwaka 2008 kwa kusema; “ mauaji haya ni aibu na fedheha
kubwa kwa jamii yetu” pia “ukatili usio na sababu” na akaendelea
kusema, “ni lazima yakomeshwe mara moja.”
Serikali ya Tanzania kwa kushirikiana na taasisi na asasi za
kijamii wanaendelea kutoa mafunzo, taarifa na mazingira
yatakayowawezesha Albino kuishi maisha bora na yenye
mafanikio katika jamii.

Ndiyo. Unaweza kufa kutokana na kuvuta sigara au kunywa
pombe. Lakini pale tu utakapozidisha. Kama utavuta idadi kubwa
ya sigara unaweza kupata kwa wingi sumu, iitwayo nikotini iliyo
katika tumbaku. Hii inaweza kusababisha kifo cha ghafla. Hii
huwatokea hasa watu ambao wana magonjwa ya moyo. Uvutaji
sigara kwa wingi na kwa kipindi kirefu unaweza kusababisha
kifo kutokana na saratani.
Pombe inaweza kukuua ghafla. Kama utakunywa kiasi kikubwa
cha pombe. Matokeo yake yanaweza yakawa ni kusimama kabisa
kwa shughuli za ubongo. Hii inamaanisha kuwa sehemu maalumu
katika ubongo ambazo zinaratibu uvutaji hewa na mapigo ya moyo
hazitaweza tena kufanya kazi na matokeo yake ni kifo.
Lakini pombe pia ni chanzo cha ajali nyingi za barabarani na
kazini. Kumbuka kwamba pombe ni chanzo cha vifo vingi kuliko
dawa zingine za kulevya.

Ndiyo hatari kuu ya matumizi ya dawa za kulevya ambayo
unayazoea na kufikiri huwezi kufanya lolote bila ya kutumia.

Kwa upande wa sigara unaweza kuzoea hali yake ya kukutuliza na
hali ya kutamani kila unapojisikia. Kwa wengi hamu hiyo hutokea
baada ya kazi nzito, pamoja na pombe, au baada kula. Kwa hiyo,
kama unataka kuacha uvutaji wa sigara inabidi ubadili tabia na
kuepuka vishawishi na pia kupambana na nafsi na matamanio
yako. Hii ni hatua kubwa inayohitaji msimamo mkali.
Utakapoanza kupunguza matumizi ya sigara au kuacha kabisa
utajisikia mpweke au mkiwa. Hali hii inaweza ikawa mbaya na
kuumiza. Mara nyingi utajihisi kujawa na wasiwasi, utakosa
usikivu, utajisikia kusinzia ingawa utakosa usingizi usiku,
mapigo ya moyo hushuka na pia shinikizo. Hamu ya kula na
uzito kuongezeka iwapo utendaji wako wa kazi hupungua.
Ukishatawaliwa na sigara basi kuvuta kwako si tabia bali ni
ugonjwa. Watu wengi wanaotegemea nikotini hawavuti kwa
starehe inayoletwa na starehe ya uvutaji, bali kuepuka maumivu
yanayosababishwa na kuacha sigara.

Maambukizi ya Virusi vya UKIMWI mara nyingi huenea sana kwa njia ya kujamii ana, na hauambukizwi kwa kumhudumia mtu mwenye maambukizi ya Virusi vya UKIMWI au UKIMWI. Hata hivyo ni muhimu kuwa mwangalifu na kuchukua tahadhari ili kuzuia kuambukizwa.
Ukimtibu vidonda vya mtu aliyeambukizwa na Virusi vya UKIMWI, ni vyema kuvaa mipira ya mikononi (glavu ) na daima ni vizuri kufunga kitambaa au plasta mahali penye jeraha. Vifaa vyenye ncha kali vinavyotumiwa na mtu mwenye maambukizi ya virusi vya UKIMWI, kwa mfano nyembe, kutunzwa sehemu ya pekee na visitumiwe na watu wengine.
Hatua hizi ni muhimu na za msingi kwa wahudumu wa watu wenye virusi vya UKIMWI i ili kuzuia yeye au watu wengine wasipate maambukizi ya virusi vya UKIMWI. Kama unamtunza / unamhudumia mtu aliyeambukizwa na Virusi vya UKIMWI na huna uhakika au una wasiwasi na tahadhari za kuchukua, unashauriwa kutafuta msaada kutoka kwa mtoa huduma wa afya i li akupe maelezo zaidi.

Ni kweli kwamba kupata hedhi ni dalili ya mwili wa msichana kuwa tayari kwa kubeba mimba, lakini kupata hedhi hakuna maana kwamba msichana yupo tayari kwa kuanza kujamii ana au kubeba mimba. Uke wa mwanamke ambaye ni mtu mzima ni madhubuti na unavutika, lakini uke wa msichana ni mwembamba na hauwezi kutanuka sana. Hivyo uke wa msichana unaweza kuchanika vibaya wakati wa kujifungua. Vilevile nyonga ya msichana huwa bado nyembamba sana kuweza kumpitisha mtoto wakati wa kujifungua.
Kwa kuongezea, kupata mtoto siyo suala tu la mwili kuwa tayari kubeba mimba na kujifungua. Inamaanisha pia kuwa tayari kuwa na mwenzio wa kushirikiana naye katika malezi ya mtoto, kuwa na kipato cha kutosha cha kutunza familia na kuwa na nyumba ya kuishi. Kwa vyovyote vile kubeba mimba mapema kunamkosesha msichana kuendelea na masomo na hivyo kumyima nafasi nyingi nzuri za mafanikio.
Hivyo kupata hedhi kila mwezi ni dalili tu ya kuelekea kwenye utu uzima. Haimaanishi kwamba mwili wake umekua vya kutosha kuweza kujifungua mtoto na haimaanishi kwamba amepanga maisha yake kikamilifu kuwa mzazi.

Katika suala hili la UKIMWI hakuna tofauti yoyote kati ya
Albino na watu wengine katika jamii. Albino wanaweza kupata
maambukizo kama watu
wengine, na mahitaji yao ni yaleyale, kijamii, kisakolojia na kiafya.
Albino watapewa ARVs kama watu wengine kwa kufuata
utaratibu uleule wa matibabu ya UKIMWI kama wanavyofanyiwa
watu wasio Albino. Kwa hiyo kama Albino anakataliwa kupewa
huduma za dawa za kufubaza VVU (ARVs) basi atoe taarifa
kwa vyombo husika ukiwemo uongozi katika jamii au kwenye
Chama cha Albino ili waweze kuwasaidia kufuatilia haki zao.

Kuna magonjwa mengi tofauti ya zinaa, lakini yale ambayo yameenea sana ni kisonono, kaswende, klamdia, kankroidi, utando mweupe , Virusi vya UKIMWI na UKIMWI. Shida kubwa ya magonjwa mengi ya zinaa ni kwamba dalili zake hazionekani kwa urahisi na kama yasipotibiwa kikamilifu yanaweza kuleta madhara makubwa. Maelezo kuhusu magonjwa ya zinaa yaliyoenea sana ni kama yafuatayo:

Kisonono:

Huchukua muda wa siku 1 hadi 14 tangu kuambukizwa mpaka kuonyesha dalili za kuumwa. Kwa wanawake dalili za kisonono ni maumivu chini ya tumbo ambayo yanaweza kuambatana na homa na kutokwa uchafu ukeni. Wapo wanawake wengine ambao hawaoni dalili zozote. Kwa wanaume dalili ni kutokwa na usaha uumeni na kupata maumivu wakati wa kukojoa. Athari yake kwa mwanamke ni kuziba mirija ya kupitisha mayai na mimba kutunga nje ya mfuko wa uzazi, na vilevile ugumba. Kwa mtoto aliye tumboni mwa mama mjamzito kisonono cha mama yake kinaweza kusababisha upofu. Kwa mwanaume athari yake ni kuziba mirija ya kupitisha mkojo.

Kaswende:

Dalili ya kaswende kwa mwanamke ni vidonda sehemu za siri hasa kwenye mashavu ya uke na sehemu ya njia ya haja kubwa, pamoja na sundosundo sehemu ya siri. Kwa mwanaume dalili ni vidonda. Mara nyingi kimoja kwenye kichwa cha uume, kwenye kishina cha uume na kuzunguka njia ya haja kubwa. Pia mwanaume anaweza kupata sundosundo sehemu za siri. Ugonjwa huu husababisha matatizo ya moyo, na kuharibu ubongo na kuzaa watoto walemavu.

Klamdia:

Dalili yake kwa mwanamke mara nyingi siyo rahisi kuonekana. Kwa mwanaume dalili ni kupata maumivu wakati wa kukojoa, na kukojoa mara kwa mara. Athari kwa mwanamke ni kuziba kwa mirija ya kupitisha mayai na mimba kutunga nje ya mfuko wa uzazi. Mimba hizi kuhatarisha maisha ya mama na kuleta ugumba vinaweza kutokea. Kwa mwanaume athari ni kuziba mirija ya kupitisha mbegu na utasa.

Kankroidi:

Dalili yake ni vidonda sehemu za siri vinavyokuwa na maumivu makali, maumivu wakati mkojo unapopita kwenye vidonda na kuvimba tezi sehemu za siri. Tezi huweza kupasuka na kutoa uchafu na maumivu makali.

Utando mweupe:

Dalili kwa mwanamke ni kutokwa na uchafu ukeni (kama maziwa yaliyoganda), kuwashwa na kuwa na michubuko sehemu za siri. Kwa mwanaume ni kuwashwa sehemu za siri na kusikia maumivu wakati wa kukojoa. Athari ni maumivu wakati wa kujamiiana.

Virusi vya UKIMWI:

Katika hatua ya mwanzo baada ya kuambukizwa hakuna dalili maalum. Hatua hii inaweza kuchukua mpaka miaka kumi. Lakini mara mtu anapoanza kuugua UKIMWI dalili zinakuwa nyingi. Pamoja na kupungua kinga ya mwili, kupungua uzito na kuumwa mara kwa mara. Matokeo ya kuugua UKIMWI baada ya muda fulani ni kifo.

Sababu mojawapo ni kuwa bangi hulimwa hapa nchini na
hivyo hupatikana kwa urahisi. Bangi huuzwa kwa bei
nafuu kuliko dawa nyingine za kulevya. Vilevile, vijana
wengi huwaona wakubwa wao wakitumia na hii huwafanya waone kuvuta bangi ni kitu halali.

Sababu nyingine ni i i imani potofu kwamba ukivuta bangi unaweza kuwa jasiri wa kufanya kazi na kusoma sana. Lakini yote haya ni uzushi na si kweli kwani watu husahau madhara ya muda mrefu yasababishwayo na uvutaji bangi.
Sababu nyingine i inayowafanya Watanzania watumie bangi ni utegemezi wa kisaikolojia, kwani baada ya kuvuta bangi kwa muda, mtu huanza kujisikia hawezi i kuhimili msukumo wa kawaida wa maisha na kuishi bila bangi. Kwa maana hiyo muathirika huendelea na uvutaji bangi.

Kuna matatizo na magonjwa mengi na ya aina mbalimbali
unayoweza kuyapata kutokana na utuvaji wa sigara. Kiungo
rahisi kuathirika ni mapafu. Baada ya kuvuta huo moshi, kaboni
na tindikali iliyomo kwenye tumbaku huishia kwenye mapafu.
Malimbikizo haya ya kaboni na tindikali husababisha ugumu
katika kupumua na kusabisha usaha kwenye mapafu. Matatizo
haya ya mapafu humfanya mvutaji awe mwepesi kupata
maambukizo mengine.
Hii inaweza ikawa kikohozi sugu na pia inaweza kusababisha
nimonia (kichomi) pamoja na kifua kikuu na sarakani. Nikotini
vilevile ni mbaya kwa tumbo. Husababisha kupoteza hamu ya
kula na maumivu katika sehemu za chini ya tumbo.

Unaweza ukaona kwamba wavutaji wakubwa wa sigara wakawa na
meno meusi au machafu. Hii ni kwa sababu kaboni imejilimbikiza juu
ya meno, na hivyo kubadilika kwa rangi. Watu wanaovuta mara kwa
mara hutoa harufu mbaya mdomoni na hupata matatizo ya ngozi.

Ndiyo, kuna hatari kubwa ya kuambukizwa Virusi vya UKIMWI na UKIMWI wakati wa kujamii ana kwa njia ya sehemu ya haja kubwa au mdomoni.
Ngozi ya ndani ya sehemu ya haja kubwa ni laini sana na uwezekano wa kupata michubuko wakati wa kujamii ana ni mkubwa, kwa sababu hakuna majimaji kama ukeni yanoyorahisisha uume kuingia. Kwahiyo virusi vya UKIMWI ni rahisi sana kuingia mwilini mwa mwanamke kupitia kwenye michubuko hii ..
Pia ngono kwa njia ya mdomoni ( „kula koni, chumvi chumvi , kulamba ukeni) hatari sana kama mwanamke ana vidonda au michubuko mdomoni na mwanaume au vidonda au michubuko uumeni, wanaweza kuambukizana.
Watu wote wanashauriwa kutumia kondomu i ili kuzuia maambukizi.

Wakati wa kutumia kondomu ya kiume ni muhimu kufuata hatua zifuatazo. Hakikisha kwamba pakiti inayoihifadhi haijapasuka na kwamba tarehe ya kuisha muda wake haijafika.
Uume ukishadinda, fungua pakiti kwa uangalifu. Minya sehemu ya juu kutoa hewa ndani ya kondomu wakati wa kuvalisha uume, ili kuzuia kupasuka kwa kondomu wakati wa kujamiiana. Visha uume kondomu taratibu mpaka uufunike wote. Ukiwa na uhakika kwamba kondomu imevishwa inavyotakiwa, unaweza kukutana kimwili na mwanamke.
Wakati wa kutoa uume kutoka ukeni, uwe mwangalifu kwamba kondomu bado ipo sehemu inayopaswa kuwa. Baada ya kutoa uume kutoka ukeni, vua kondomu kwa uangalifu uume ukiwa bado umedinda, ili kuepuka shahawa zisimwagikie ukeni. Tupa kondomu iliyotumika kwenye choo cha shimo au uichome. Usitupe kondomu iliyotumika ovyo. Pia usitupe kondomu iliyotumika kwenye vyoo vya kisasa yaani vya kuflashi na maji.
Ukinunua “salama kondomu“ ndani ya pakiti, kuna maelekezo kuhusu matumizi ya kondom. Unapotaka kutumia kondom wakati wa kujamiiana, ni vizuri ukajaribisha kwanza ukiwa peke yako ili kuzoea jinsi ya kuitumia.

Kwa nini inapendekezwa Kufanya Ngono na Mtu Mmoja Tu? 🌟

Karibu vijana wenzangu! Leo tutazungumzia jambo muhimu sana katika maisha yetu – kufanya ngono na mtu mmoja tu. Kuna sababu nyingi nzuri na za kimaadili kwanini inapendekezwa kufanya ngono na mwenza wako mmoja. Hebu tuangalie sababu hizo kwa karibu. 🌍

1. Uaminifu 💑: Kufanya ngono na mtu mmoja tu kunajenga uaminifu mkubwa kati ya wapenzi. Unapojitolea kwa mtu mmoja tu, unajenga msingi imara wa uaminifu na kuheshimiana.

2. Afya 🌿: Kupunguza idadi ya washirika wa ngono kunapunguza hatari ya kupata magonjwa ya zinaa. Kwa kufanya ngono na mtu mmoja tu, unaepuka kuathiri afya yako na kujilinda dhidi ya magonjwa hatari.

3. Upendo thabiti ❤️: Kufanya ngono na mtu mmoja tu kunajenga upendo thabiti na wa kipekee. Unapojitolea kuwa mwaminifu kwa mwenza wako, unajenga mahusiano ya kudumu na furaha.

4. Kujielewa 🌟: Kufanya ngono na mtu mmoja tu kunakupa nafasi ya kujielewa na kuelewa mahitaji ya mwenzako kwa undani zaidi. Unajifunza jinsi ya kumfurahisha mwenza wako na kupata furaha ya kweli katika mahusiano yenu.

5. Thamani ya familia 👪: Kufanya ngono na mtu mmoja tu kunasaidia kuimarisha thamani ya familia na kuleta utulivu katika maisha yako. Unaweza kujenga familia yenye upendo na furaha bila wasiwasi wa uaminifu.

6. Mkono wa pekee 🤝: Kuwa na mtu mmoja tu katika maisha yako kunakupa uhakika wa kuwa na mkono wa kipekee wa kushikamana naye katika safari yako ya maisha. Unapata faraja, msaada, na upendo kamili kila siku.

7. Kujenga ndoto pamoja ✨: Unapofanya ngono na mtu mmoja tu, unaweza kujenga ndoto pamoja na kutimiza malengo yenu kwa urahisi. Mnaweza kuweka mipango ya baadaye na kufanya kazi kwa pamoja kufikia mafanikio yenu.

8. Heshima 🙏: Kufanya ngono na mtu mmoja tu ni ishara ya heshima na upendo kwa mpenzi wako. Unawaonyesha kwamba wanathaminiwa na wanakuwa kitu cha thamani katika maisha yako.

9. Kuepuka majuto 😔: Kwa kufanya ngono na mtu mmoja tu, unapunguza hatari ya kujuta baadaye. Unaweza kujivunia uamuzi wako wa kuwa mwaminifu na kujiepusha na madhara ya kihisia na kimwili.

10. Kupunguza stress 😌: Kufanya ngono na mtu mmoja tu kunajenga mazingira ya amani na furaha. Unapata nafasi ya kuepuka stress za kutafuta washirika wapya na kutulia katika upendo na faraja ya mtu ambaye unamjali.

11. Kuweka mfano mzuri 👍: Kwa kufanya ngono na mtu mmoja tu, unakuwa mfano mzuri kwa watu wengine. Unawafundisha wengine umuhimu wa uaminifu na kujitolea katika mahusiano yao.

12. Kufanya uamuzi sahihi 🎯: Kufanya ngono na mtu mmoja tu kunahitaji uamuzi thabiti na kuwa na nia njema. Unajifunza kufanya uamuzi sahihi na kuwa na uwezo wa kudhibiti hisia zako kwa manufaa ya maisha yako.

13. Kuimarisha ndoa 💍: Kufanya ngono na mtu mmoja tu katika ndoa kunasaidia kuimarisha uhusiano wenu. Unaweza kupata furaha ya kweli na kujenga msingi imara wa upendo na uaminifu.

14. Kuwekeza wakati na jitihada ⌛: Kufanya ngono na mtu mmoja tu kunahitaji kuwekeza wakati na jitihada katika kuendeleza uhusiano wenu. Unajifunza kujitahidi na kuheshimu mpenzi wako kwa kushiriki kitu maalum na cha kipekee.

15. Ugunduzi wa kina 🌈: Kufanya ngono na mtu mmoja tu kunakuwezesha kugundua upendo, furaha, na uridhisho kamili. Unaweza kujifunza kuhusu hisia za kipekee na kugundua urembo wa maisha ya uhusiano thabiti.

Kumbuka, vijana, kuwa mwaminifu na kufanya ngono na mtu mmoja tu ni chaguo la busara na lenye busara kimaadili. Unaweza kufurahia mahusiano ya kipekee na kujenga upendo thabiti. Je, una maoni gani kuhusu hili? Je, ungependa kujifunza zaidi? Tuambie mawazo yako katika sehemu ya maoni hapa chini. Tukutane tena! ✨🌸

Ndiyo, mtu yoyote anayelazimishwa
kujamiina atakuwa
amebakwa, haijalishi kama
mtu huyu ni mwanamke/
msichana, mwanaume au
mvulana.

Wavulana na wanaume
wanaweza kubakwa na
wanaume wenzao au wanaweza
kulazimishwa na mwanamke
kujihusisha na tendo la
kujamiiana. Wanaume wanaweza
kulazimisha wavulana
kujamiiana kwa njia ya mdomo
au njia ya haja kubwa. Kisheria hapa Tanzania tukio kama
hili linajulikana kama kulawiti.
Matatizo/matokeo ya kulawiti kwa wavulana ni sawa na yale
yanayopatikana kwa wasichana. Wavulana wanaweza kuumizwa
vibaya zaidi wakati wa kujamiiana na pia kuchanganyikiwa,
kiwewe, na kwa wavulana wanapata madhara zaidi.
Sheria hapa Tanzania12 haziko wazi juu ya ubakaji kwa wavulana
hata hivyo wanatambua mahusiano ya ushoga/ubasha kuwa ni
kosa la jinai.

Siyo watu wote katika jamii wanawachukia au kuwatenga Albino.
Wazazi, ndugu zenu, rafiki zenu wanawapenda na kuwajali. Ni
jambo la kawaida kwa watu wa aina fulani kuwakataa au kuwakwepa
wale ambao wanaonekana tofauti na wao. Kwa mfano, katika jamii
ya watu weupe ni kawaida kuwakwepa au kuwakataa wale wenye
rangi nyeusi na hivyo ndivyo ilivyo pia kwa jamii ya watu weusi
kuwakataa au kuwakwepa watu weupe.
Jamii ya watu weusi huwaogopa, na hivyo huwakwepa Albino
kwa kuwa hawajui kilichotokea mpaka wakawa hivyo. Hali hiyo
inaimarishwa na uvumi potofu unaosambazwa kuwa ukimgusa
Albino unaweza ukageuka rangi ukawa mweupe au ukiwa na mimba
na ukamcheka au ukakutana na Albino, utazaa Albino. Ukweli ni
kwamba uvumi huu ni potofu na ni upuuzi mtupu. Ualbino ni hali
inayorithiwa na si ya kuambukizwa. Hakuna sababu ya kumuogopa
Albino. Mtazamo hasi wa jamii unaweza kubadilishwa endapo watu
watakuwa na ufahamu zaidi kuhusu ualbino na wanapowafahamu
watu wa aina hii vizuri zaidi kwamba ni watu wakarimu na wenye
urafiki. Na wewe unaweza ukachangia katika kuendeleza uelewa
huu kama utashiriki na watu kwa urafiki na kwa uwazi.