Sheria ya Tanzania inaeleza dawa zilizo halali na zisizo halali.
Tumbaku imekubalika na jamii kwa muda mrefu, na ni katika
miaka kama hamsini iliyopita ndipo madhara yatakanayo na
nikotini iliyomo kwenye tumbaku yalipoanza kukubalika. Hata
hivyo, hadi sasa tumbaku ni halali, lakini ni bangi kwa upande
mwingine si halali kisheria Tanzania.
Kwa hivyo, kutokana na kwamba nikotini kwenye sigara
ina madhara, basi serikali ilichukua hatua ya kuanza
kuwatahadhadharisha wavutaji na kuwazuia vijana kuvuta sigara.
Kuna sheria mpya Tanzania ambayo inawalazimisha
watengenezaji wa bidhaa za tumbaku kuandika tahadhari
ya afya kwenye bidhaa wanazotengeneza na kuuza. Kuanzia
mwaka 2000 bidhaa za tumbaku zote zililazimika kuwa na onyo
kwamba “Uvutuaji wa sigara ni hatari kwa afya yako.”

Ndiyo, kuna hatari kubwa ya kuambukizwa Virusi vya UKIMWI na UKIMWI wakati wa kujamii ana kwa njia ya sehemu ya haja kubwa au mdomoni.
Ngozi ya ndani ya sehemu ya haja kubwa ni laini sana na uwezekano wa kupata michubuko wakati wa kujamii ana ni mkubwa, kwa sababu hakuna majimaji kama ukeni yanoyorahisisha uume kuingia. Kwahiyo virusi vya UKIMWI ni rahisi sana kuingia mwilini mwa mwanamke kupitia kwenye michubuko hii ..
Pia ngono kwa njia ya mdomoni ( „kula koni, chumvi chumvi , kulamba ukeni) hatari sana kama mwanamke ana vidonda au michubuko mdomoni na mwanaume au vidonda au michubuko uumeni, wanaweza kuambukizana.
Watu wote wanashauriwa kutumia kondomu i ili kuzuia maambukizi.

Unyanyasaji wa ujinsia una matatizo mabaya ya kimwili na
yanayochukua muda mrefu kwa mwathiriwa kupona. Unyanyasaji
wa jinsia mara nyingi humuumiza mwathiriwa, matendo ya
ubakaji, majaribio ya ubakaji, unyanyasaji wa kijinsia kwa mtoto,
na ukeketaji kwa wanawake yanamhusu moja kwa moja mwili
wa mwathiriwa. Mwathiriwa anaweza kupata maumivu makali
wakati wa kitendo, viungo vyake vya uzazi akiwa mwanamume
au mwanamke kuna uwezekano ukapata majeraha wakati wa
ubakaji. Zaidi ya hayo mbakaji anaweza kumuumiza mwathiriwa
katika sehemu nyingie za mwili. Na jambo baya zaidi ukatili
wa kijinsia wakati mwingine unaweza kusababisha ulemavu wa
maisha na mara nyingine hata kifo cha mwathiriwa. Ubakaji
unaweza kusababisha mimba, na uenezaji wa magonjwa hatari
kama Virusi vya Ukimwi.
Watoto wanadhuriwa zaidi na vitendo vya ukatili wa ujinsia
katika miili yao kwa sababu ukubwa wa viungo vyao vya sehemu
za siri ni vidogo kuliko vile vya watu wazima.
Athari za kisaikolojia kwa mwathiriwa pia ni hatari sana. Uonevu
wa ujinsia kwa mwathirika unaweza kusababisha kuchanganyikiwa
na kupata kiwewe na hali ya hatari sana inayoweza kusababisha
mtu akapata kichaa katika miezi ya kwanza. Baada ya uonevu
wa ujinsia na hata baada ya miaka, mwathiriwa bado atakuwa
na kumbukumbu ya maumivu aliyopata na hivyo kukumbuka
katika akili yake. Waathiriwa wengi wa ubakaji wana matatizo
ya kutokuwa na uhusiano mzuri wa kujamiiana, kwani kila mara
atahusisha kujamiiana na alipobakwa. Ndiyo maana waathiriwa
wa ubakaji wanahitaji msaada, uelewa na uvumilivu toka kwa
wazazi wao, wenzi wao na marafiki.

Siku salama ni siku ambazo hakuna yai ambalo lipo tayari kwa kurutubishwa. Iwapo mwanamke atajamii ana katika siku salama tu, yaani wakati ambapo hakuna yai lililo tayari kurutubishwa, anaweza asipate mimba. Hata hivyo, i inatakiwa ajue kwa uhakika lini yai linakuwa tayari kurutubishwa.
Kwa vile wasichana wengi mzunguko wa siku zao hubadilika kila wakati, ni vigumu kujua kama kuna yai ambalo lipo tayari kwa kurutubishwa. Mzunguko na siku za hedhi za msichana unaweza kuathirika na mfadhaiko, huzuni, maradhi, safari au mabadiliko mengine katika maisha ya msichana. Hata kama msichana atakuwa na mzunguko ambao haubadilikibadiliki anaweza kupata mabadiliko ya ghafla katika kipindi fulani.
Kwa hiyo, kuhesabu siku salama siyo njia salama ya kuepuka kupata mimba. Kwa upande wa wasichana hakuna siku salama kutopata mimba, kwa sababu mzunguko wa siku zao za hedhi unabadilika badilika hata zaidi kuliko ule wa wanawake watu wazima!

Hapana, huwezi kuwatoa wadudu wa magonjwa ya zinaa kwa njia ya kuoga baada ya kujamiiana. Wadudu hao hawakai sehemu ambazo unaweza ukawaondoa, wanaingia mwilini moja kwa moja na wanakaa kwenye damu.

Mara wakishaingia kwenye damu, inabidi mtaalamu wa kiafya afanye uchunguzi na akutibu kikamilifu.

Tunasema ngono kutumia njia ya haja kubwa pale ambapo uume uliodinda unaingizwa kwenye njia ya haja kubwa (mkunduni).

Tatizo kubwa la kujamii ana sehemu ya haja kubwa, ni kwamba kuna uwezekano wa kueneza magonjwa ya zinaa pamoja na maambukizi ya VVU na UKIMWI zaidi kuliko kutumia njia ya kawaida ya uke. Kujamii ana sehemu ya haja kubwa ni hatari kwa sababu hakuna yale majimaji kama ukeni na ngozi ni laini sana. Kwa hiyo michubuko i inaweza kutokea kwa urahisi. Michubuko hii i ii inasababisha maumivu na pia i inarahisisha kuambukizana magonjwa ya zinaa.
Kama bado umeamua kujamii ana kwa kutumia njia ya haja kubwa pamoja na usumbufu wote tulioutaja hapo juu, unashauriwa kutumia kondomu i li kuzuia uambukizaji wa magonjwa.

Sigara siyo dawa za kulevya, kwa maana ya kwamba ni haramu,
lakini hata hivyo, sigara ina nikotini ambayo hufanya iwe dawa ya kulevya kwa sababu nikotini iliyomo kwenye sigara
husababisha mtu kuwa mtu tegemezi.

Ndiyo hatari kuu ya matumizi ya dawa za kulevya ambayo
unayazoea na kufikiri huwezi kufanya lolote bila ya kutumia.

Kwa upande wa sigara unaweza kuzoea hali yake ya kukutuliza na
hali ya kutamani kila unapojisikia. Kwa wengi hamu hiyo hutokea
baada ya kazi nzito, pamoja na pombe, au baada kula. Kwa hiyo,
kama unataka kuacha uvutaji wa sigara inabidi ubadili tabia na
kuepuka vishawishi na pia kupambana na nafsi na matamanio
yako. Hii ni hatua kubwa inayohitaji msimamo mkali.
Utakapoanza kupunguza matumizi ya sigara au kuacha kabisa
utajisikia mpweke au mkiwa. Hali hii inaweza ikawa mbaya na
kuumiza. Mara nyingi utajihisi kujawa na wasiwasi, utakosa
usikivu, utajisikia kusinzia ingawa utakosa usingizi usiku,
mapigo ya moyo hushuka na pia shinikizo. Hamu ya kula na
uzito kuongezeka iwapo utendaji wako wa kazi hupungua.
Ukishatawaliwa na sigara basi kuvuta kwako si tabia bali ni
ugonjwa. Watu wengi wanaotegemea nikotini hawavuti kwa
starehe inayoletwa na starehe ya uvutaji, bali kuepuka maumivu
yanayosababishwa na kuacha sigara.

Hakuna mwenye kosa, kwa sababu jinsia ya mtoto i inategemea na bahati na hamna uwezekano wa kupanga kuzaa aina fulani ya mtoto. Tulivyoona juu ni mwanaume ndiye aliye na aina mbili za mbegu. Aina moja husababisha kutokea mtoto wa kike na aina nyingine mtoto wa kiume. Mwanaume hana uwezo wa kuhakikisha achangie aina ya mbegu gani. Kwa hiyo, hata kama ni mwanaume anayeyakinisha jinsia ya mtoto, hana kosa, kwa sababu hana uwezo wa kuamua achangie mbegu ya aina gani.

Ukweli ni kwamba hakuna madhara yoyote ya kiafya iwapo utakaa muda mrefu bila ya kujamiiana. Viungo vya uzazi havidhuriki wala sehemu nyingine yoyote katika mwili wako. Mwanamke na mwanaume wakianza kujamiiana baada ya kukaa muda mrefu watapata raha na starehe kama kawaida.

Kuna uvumi potofu kwamba kutofanya mapenzi kunasababisha kuwa na chunusi usoni au sehemu za siri, au hata kuchanganyikiwa kiakili. Siyo kweli kwamba hali hiyo inasababishwa na kutojamiiana bali husababishwa na mambo mengine kabisa.

Elewa kwamba kutojamiiana kabisa hakuna madhara yoyote. Lakini kama tulivyosema awali kujamiiana kunaweza kuleta matatizo mengi kama mimba isiyotarajiwa, magonjwa ya zinaa ikiwa pamoja maambukizi ya virusi vya UKIMWI na UKIMWI wenyewe.

Kwa wanawake wenye miaka zaidi ya 35 uwezekano wa kupata matatizo ya kiafya wakati wa ujauzito au wakati wa kujifungua ni mkubwa zaidi kuliko wanawake kati ya miaka 20 na 35.
Matatizo ni mengi zaidi kama mama ameshakuwa na watoto wengi. Baada ya kuzaa mimba tano au zaidi, misuli ya mfuko wa uzazi hulegea. Hivyo hufanya mama kutokwa na damu nyingi, kuwa na uchungu wa muda mrefu na kuchanika kwa mji wa mimba. Matatizo mengine ni mtoto kukaa vibaya tumboni na kuwa na watoto wakubwa. Wanawake wa umri mkubwa ambao wamekuwa na i idadi kubwa ya mimba za karibukaribu (za kufululiza) wanakabiliwa na uwezekano mkubwa wa kufariki wakati wa ujauzito na wakati wa kujifungua.

Punyeto ni kupapasa au kusugua kiungo cha uzazi ili uweze kupata
starehe. Hakuna kosa kwa tendo hilo, kwa sababu hakuna tatizo
lolote kwa mvulana au msichana. Kwa kawaida watu hufanya hivyo
kwa siri, baadhi ya mila na desturi wanapinga kufanyika kwa
tendo hili hata hivyo hakuna sheria yoyote kuhusu punyeto.

Si kweli.
Pombe haiongezi damu, vitamini wala nguvu. Ukweli ni kwamba unywaji pombe kupita kiasi huvuruga ufyonzaji wa vitamini na madini kutoka kwenye chakula kuingia mwilini.

Vitamini ni muhimu kwa kuimarisha kinga ya mwili ambayo inasaidia kujikinga na magonjwa, pamoja na maradhi kama UKIMWI. Kwa hivyo, unatakiwa uhakikishe unakula matunda na mboga za majani kwa sababu vinakuongezea vitamini.

Nifanyeje Kuelewa Umuhimu wa Kujikinga na Maambukizi ya UKIMWI? 🌍

Leo, tutaangazia umuhimu wa kujikinga na maambukizi ya UKIMWI, ugonjwa hatari ambao umekuwa changamoto kubwa katika jamii yetu leo. Ni muhimu kuelewa kwamba UKIMWI haujui umri wala jinsia, hivyo ni jukumu letu sote kuchukua hatua madhubuti za kujilinda. Kwa kuwa wewe ni kijana mwenye maadili ya Kiafrika, hebu tuone jinsi unavyoweza kuelewa umuhimu huo na kujikinga kwa busara.

1. Elewa Hatari: Kwanza kabisa, ni muhimu kufahamu hatari za UKIMWI na jinsi unavyoweza kuambukizwa. Je! Unafahamu kwamba kufanya ngono bila kinga na mtu asiye na uhakika wa hali yake ya afya ni hatari? 🚫

2. Elimu: Jifunze kuhusu UKIMWI. Tembelea vituo vya afya, shule, au shirika la afya kwenye jamii yako na uulize maswali. Kupata taarifa sahihi kutoka kwa wataalamu wa afya kutakusaidia kuelewa hatari na kuchukua hatua sahihi za kujikinga. 📚

3. Uaminifu: Kuwa mwaminifu kwa mwenzi wako ni jambo jema. Ikiwa una uhusiano wa kingono, wekeni wazi juu ya hali yenu ya afya na fanyeni vipimo vya UKIMWI pamoja. Hii itaimarisha uaminifu na kujikinga kwa pamoja. 💑

4. Kutumia Kondomu: Kufanya ngono bila kinga ni hatari kubwa ya kuambukizwa UKIMWI. Hakikisha unatumia kondomu kila wakati unapojihusisha na ngono isiyo salama. Kondomu ni moja wapo ya njia bora za kujilinda. 🍆🍌💥

5. Ushauri nasaha: Tafuta msaada wa wataalamu wa afya na washauri. Wao wanaweza kukusaidia kuelewa zaidi juu ya hatari, kujikinga, na matumizi sahihi ya njia za kuzuia maambukizi ya UKIMWI. 👨‍⚕️💬

6. Kubadili Tabia Mbaya: Ikiwa una tabia mbaya kama vile kutumia dawa za kulevya au kushiriki ngono isiyo salama, ni muhimu kuacha tabia hizo mara moja. Tabia hizi zinaweza kuongeza hatari yako ya kuambukizwa UKIMWI. 🚭💉

7. Ujuzi wa Kujilinda: Weka akiba ya maarifa ya kujilinda. Kujua jinsi ya kutumia kondomu ipasavyo na kuepuka hatari nyingine kama vile kuwepo kwa damu iliyochafuliwa itasaidia kuzuia maambukizi ya UKIMWI. 🛡️🛡️

8. Kuacha Ngono Kabla ya Ndoa: Ni muhimu kutambua kuwa kujiepusha na ngono kabla ya ndoa ni njia bora na salama zaidi ya kujikinga na maambukizi ya UKIMWI. Kusubiri hadi ndoa kunaweza kuhakikisha usalama wako na kuiheshimu maadili ya Kiafrika. 💍🙏

9. Vipimo vya UKIMWI: Ni vizuri kufanya vipimo vya UKIMWI mara kwa mara. Hii itakupa uhakika wa hali yako na kukusaidia kuchukua hatua za haraka ikiwa una maambukizi. 🏥🩺

10. Kujielewa: Kuelewa thamani yako na kujithamini kunaweza kukusaidia kujilinda na shinikizo la kufanya ngono isiyo salama. Jifunze kujipenda na kuweka kipaumbele katika afya yako ya kimwili na kihisia. 💪❤️

11. Kuepuka Matumizi ya Madawa ya Kubadilisha Tabia: Madawa ya kubadilisha tabia kama vile cocaine au heroini yanaweza kukuweka katika hatari zaidi ya kuambukizwa UKIMWI. Kuepuka matumizi ya madawa haya ni muhimu kujilinda. 🚫💊

12. Kufanya Maamuzi Sahihi: Katika ulimwengu wa leo, kuna shinikizo kubwa la kufanya ngono. Lakini kuwa na uwezo wa kufanya maamuzi sahihi na kukataa ngono isiyo salama ni muhimu sana. Kuwa na nguvu ya kusema hapana wakati inahitajika. 🛑

13. Kutumia Vyombo vya Ulinzi: Ikiwa wewe ni miongoni mwa watu wanaotumia wanyanyaso kingono kama wafanyakazi wa ngono, hakikisha kutumia vyombo vya ulinzi kama vile kondomu ya wanawake (Femidom) au mipira ya kujikinga ya wanaume. 👩‍⚕️⛑️

14. Kuwapa Elimu Wengine: Baada ya kuelewa umuhimu wa kujikinga na maambukizi ya UKIMWI, ni vyema kushiriki maarifa hayo na wengine. Kuelimisha marafiki, familia, na jamii yote juu ya hatari na njia za kujikinga ni njia nzuri ya kupunguza maambukizi. 🗣️🧑‍🤝‍🧑

15. Kuwa Mfano Bora: Kwa kuwa na maadili ya Kiafrika, kuwa mfano bora katika jamii yako. Kwa kuonyesha maisha ya kujitolea, heshima, na uaminifu, utawavuta vijana wengine kufuata njia sahihi na kujilinda. Kuishi maisha safi na yenye maadili ni baraka. 🌟🌟

Kwa hivyo, rafiki yangu, umuhimu wa kujikinga na maambukizi ya UKIMWI ni muhimu sana katika maisha yetu. Kumbuka, kufanya ngono kabla ya ndoa na kuwa mwaminifu kwa mwenzi wako ni njia bora ya kujilinda. Jiwekee malengo na uzingatie maadili yako ya Kiafrika kwa ajili ya afya yako na maisha yako ya baadaye. Je, unafikiri umehifadhi nini kupitia makala hii? Je, una maoni yoyote au maswali zaidi? Nataka kusikia kutoka kwako. Tuambie jinsi unavyoona umuhimu wa kujikinga na maambukizi ya UKIMWI na jinsi unavyofanya hivyo katika maisha yako ya kila siku. 🤔💭

Kumbuka, rafiki yangu, kujikinga na maambukizi ya UKIMWI ni wajibu wetu sote. Tuwe sehemu ya suluhisho na tuwafundishe wengine jinsi ya kujilinda. Tuungane pamoja na kupigana vita dhidi ya UKIMWI. Furahia maisha yako na uwe na afya bora! 💪❤️🌍

Hapana, huwezi ukarithi uvutaji wa bangi. Lakini mara nyingi watoto huiga tabia za wazazi wao. Wakiwaona wazazi au babu zao wakitumia bangi, wao hufikiri ni halali na wanaweza wakaanza kuvuta bangi pia.

Zipo aina mbili za mapacha, wale wanaofanana na wale wasiofanana. Karibu robo ya mapacha wote hufanana. Hii ina maana kwamba wametokana na yai moja lililotungwa mimba ambalo hujigawa katika makundi mawili tofauti ya chembechembe, kila mojawapo hubadilika kuwa kiumbe pekee. Hadi sasa, wataalamu hawaelewi vizuri sababu za yai kujigawa. Mapacha wa aina hii , kwa vile wametokana na yai moja, mara zote huwa na jinsia moja na hufanana sana kimaumbile.
Mapacha wasiofanana hutokea wakati wa yai kupevuka, kokwa za mwanamke hutokea zikawa mayai mawili badala ya moja tu. Mayai yote mawili hurutubishwa na hutungishwa mimba kwa mbegu mbili tofauti za mwanaume. Viumbe viwili hukua wakati mmoja katika mfuko wa uzazi. Mbali ya kukua katika mfuko mmoja wa uzazi na kuwa na umri uleule, mapacha hawa ni sawa sawa na watoto wengine wawili wa wazazi haohao. Wanaweza kuwa wa jinsia na maumbile tofauti kabisa.